Poytaxtimizdagi ayrim ko‘chalarda transportlarning harakati vaqtincha cheklanadi
Toshkent shahar hokimligi Matbuot xizmatining xabariga ko‘ra, 3-sentabr kuni Mustaqillik bayramiga bag‘ishlangan “Yangi nafas” xalqaro ommaviy yugurish musobaqasi o‘tkaziladi. Shu munosabat bilan poytaxtimizdagi ayrim ko‘chalarda avtotransport vositalarining harakati vaqtincha cheklanadi.
Joriy yilning 31-avgust kuni soat 10:00 dan 3-sentabr kuni soat 10:00 gacha:
— Afrosiyob ko‘chasi I. Karimov shohko‘chasi bilan kesishmasidan Beshyog‘och ko‘chasi bilan kesishmasigacha.
3-sentabr kuni soat 05:00 dan 09:00 gacha:
— Afrosiyob ko‘chasi I. Karimov shohko‘chasi bilan kesishmasidan Abdulla Qodiriy, Oybek va Nukus ko‘chalari bo‘ylab, Rim-Katolik cherkovigacha.
Haydovchilarga aylanma yo‘llardan harakatlanish tavsiya etiladi.