Tekshiruvlar davomida:

- 2022-yil 23-mart kuni soat 17:40 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari B.Nugʻmonov va N.Dosimovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1994-yilda tugʻilgan X.Q.ning yonidagi gugurt qutisi ichidan, selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro X.Q. va aniqlangan modda Bektemir tumani IIO FMBga topshirilgan.

- 2022-yil 23-mart kuni soat 04:00 larda, Bektemir tumanida joylashgan “Oltin topgan” toʻsiq-postida xizmat olib borayotgan YPX xodimi T.Yoqubov tomonidan, Toshkent viloyatidan poytaxtga kirib kelayotgan, haydovchi, 1984-yilda tugʻilgan A.X. boshqaruvidagi “Nexia-3” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan 3 dona “Tropikamid” nomli psixotrop dori vositalari va 1000 soʻmlik pul kupyurasiga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro A.X. va aniqlangan vositalar Bektemir tumani IIO FMBga topshirilgan.

Yoʻllarda tekshiruvlar davom etmoqda...