Tekshiruvlar davomida:

- 2022-yil 23-fevral kuni soat 21:40 larda, Bektemir tumanida joylashgan “Bektemir” YPX maskanida xizmat olib borayotgan YPX xodimlari R.Tilepov va I.Djumaboyevlar tomonidan, Toshkent viloyatidan poytaxtga kirib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1984-yilda tugʻilgan R.A.ning yonidan 2 dona “Tropikamid” va 11 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro R.A. va aniqlangan vositalar Bektemir tumani IIO FMBga topshirilgan.

- 2022-yil 23-fevral kuni soat 23:40 larda, Shayxontohur tumanida xizmat olib borayotgan YPX xodimlari D.Dadaboyev va B.Maxkamovlar tomonidan, Nurafshon koʻchasi boʻylab harakatlanib kelayotgan, haydovchi, 1989-yilda tugʻilgan X.X. boshqaruvidagi “Lacetti” rusumli avtomobil toʻxtatilib, xolis va guvohlar ishtirokida tekshirilganda, atvomobil salonidan 5 dona “Zardeks” va 4 dona “Tramadol” nomli psixotrop dori vositalari shuningdek, 1000 soʻmlik pul kupyurasiga oʻralgan, yashil rangli, oʻtkir hidli, quritilgan oʻsimlik hamda selofanga solingan, oq rangli, oʻtkir hidli, kukunsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqrao X.X va aniqlangan vositalar Shayxontohur tumani IIO FMBga topshirilgan.

- 2022-yil 24-fevral kuni soat 00:20 larda, Yangihayot tumanida joylashgan “Yangihayot” blok-postida xizmat olib borayotgan YPX xodimi J.Turgʻunov tomonidan, Toshkent viloyatidan poytaxtga kirib kelayotgan “Vaz-2107” rusumli atvomobil toʻxtatilib, xolis va guvohlar ishtirokida tekshirilganda, yoʻlovchi, 1995-yilda tugʻilgan A.A.ning yonidan, qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro A.A. va aniqlangan modda Yangihayot tumani IIO FMBga topshirilgan.

- 2022-yil 24-fevral kuni soat 02:00 larda, Uchtepa tumanida xizmat olib borayotgan YPX xodimlari D.Begmatov va M.Ulashovlar tomonidan, Zargarlik koʻchasi boʻylab harakatlanib kelayotgan “Nexia-3” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1985-yilda tugʻilgan U.K.ning sumkasidan 140 dona “Zardeks” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro U.K. va aniqlangan vositalar Uchtepa tumani IIOFMBga topshirilgan.

Yoʻllarda tekshiruvlar davom etmoqda...