Текширувлар давомида:

- 2022 йил 23 февраль куни соат 21:40 ларда, Бектемир туманида жойлашган “Бектемир” ЙПХ масканида хизмат олиб бораётган ЙПХ ходимлари Р.Тилепов ва И.Джумабоевлар томонидан, Тошкент вилоятидан пойтахтга кириб келаётган "Spark" русумли автомобиль тўхтатилиб, холис ва гувоҳлар иштирокида текширилганда, йўловчи, 1984 йилда туғилган Р.А.нинг ёнидан 2 дона “Тропикамид” ва 11 дона “Регапен” номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро Р.А. ва аниқланган воситалар Бектемир тумани ИИО ФМБга топширилган.

- 2022 йил 23 февраль куни соат 23:40 ларда, Шайхонтоҳур туманида хизмат олиб бораётган ЙПХ ходимлари Д.Дадабоев ва Б.Махкамовлар томонидан, Нурафшон кўчаси бўйлаб ҳаракатланиб келаётган, ҳайдовчи, 1989 йилда туғилган Х.Х. бошқарувидаги "Lacetti" русумли автомобиль тўхтатилиб, холис ва гувоҳлар иштирокида текширилганда, атвомобиль салонидан 5 дона “Зардекс” ва 4 дона “Трамадол” номли психотроп дори воситалари шунингдек, 1000 сўмлик пул купюрасига ўралган, яшил рангли, ўткир ҳидли, қуритилган ўсимлик ҳамда целлофанга солинган, оқ рангли, ўткир ҳидли, кукунсимон моддалар топилган.

Мазкур ҳолат юзасидан тегишли ҳужжатлар расмийлаштирилиб, фуқрао Х.Х ва аниқланган воситалар Шайхонтоҳур тумани ИИО ФМБга топширилган.

- 2022 йил 24 февраль куни соат 00:20 ларда, Янгиҳаёт туманида жойлашган “Янгиҳаёт” блок-постида хизмат олиб бораётган ЙПХ ходими Ж.Турғунов томонидан, Тошкент вилоятидан пойтахтга кириб келаётган "Ваз-2107" русумли атвомобиль тўхтатилиб, холис ва гувоҳлар иштирокида текширилганда, йўловчи, 1995 йилда туғилган А.А.нинг ёнидан, қоғозга ўралган, яшил рангли, ўткир ҳидли, қуритилган ўсимлик моддаси топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.А. ва аниқланган модда Янгиҳаёт тумани ИИО ФМБга топширилган.

- 2022 йил 24 февраль куни соат 02:00 ларда, Учтепа туманида хизмат олиб бораётган ЙПХ ходимлари Д.Бегматов ва М.Улашовлар томонидан, Заргарлик кўчаси бўйлаб ҳаракатланиб келаётган "Nexia-3" русумли автомобиль тўхтатилиб, холис ва гувоҳлар иштирокида текширилганда, йўловчи, 1985 йилда туғилган У.К.нинг сумкасидан 140 дона “Зардекс” номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро У.К. ва аниқланган воситалар Учтепа тумани ИИОФМБга топширилган.

Йўлларда текширувлар давом этмоқда...