Yoʻllardagi tekshiruvlar davomida:

- 2022-yil 10-yanvar kuni soat 00:10 larda, Uchtepa tumanida xizmat olib borayotgan YPX xodimi D.Begmatov tomonidan, Zargarlik koʻchasi boʻylab harakatlanib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganida, yoʻlovchisi, 1999-yilda tugʻilgan Sh.U.ning yonidan, oq qogʻoz parchasiga oʻralgan, jigar rangli, oʻtkir hidli, kukunsimon modda hamda selofanga solingan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, holatga toʻliq aniqlik kiritish maqsadida avtomobilda boʻlgan fuqarolar va aniqlangan moddalar Uchtepa tumani IIO FMBga topshirilgan.

- 2022-yil 10-yanvar kuni soat 10:10 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va N.Dusimovlar tomonidan, Toshkent viloyatidan poytaxtga kirib kelayotgan “Captiva” rusumli avtomobil toʻxtatilib tekshirilganida, haydovchi, 1983-yilda tugʻilgan Yo.X. oʻzining koʻrinishi va xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruvlar davomida avtomobilning salonidan, selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, haydovchi Yo.X. va aniqlangan modda Bektemir tumani IIO FMBga topshirilgan.

- 2022-yil 10-yanvar kuni soat 04:30 larda, Sirgʻali tumanida xizmat olib borayotgan YPX xodimi A.Soliyev tomonidan, Xonobod koʻchasida harakatlanib kelayotgan “Nexia” rusumli atvomobil toʻxtatilib, xolis va guvohlar ishtirokida tekshirilganida, haydovchi, 1997-yilda tugʻilgan O.Z.ning yonidan, 3 dona “Tropikamid” hamda 8 dona “Regapen” va avtomobil salonidan yana 6 dona “Tropikamid” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro O.Z. va aniqlangan vositalar Sirgʻali tumani IIO FMBga topshirilgan.

Tekshiruvlar davom etmoqda.