Yoʻllarda YPX xodimlari tomonidan tekshiruvlar davomida:

- 2022-yil 9-mart kuni soat 02:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari J.Turaboyev va F.Djoʻrayevlar tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1996-yilda tugʻilgan Sh.Q.ning yonidagi sigareta qutisi ichidan, yashil rangli, oʻtkir hidli, quritilgan oʻsimlik moddasi va shirinlik qogʻoziga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Sh.Q. va aniqlangan moddalar Bektemir tumani IIO FMBga topshirilgan.

- 2022-yil 8-mart kuni soat 00:10 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari S.Oʻrinboyev va A.Usmonovlar tomonidan, Toshkent viloyatidan poytaxtga kirib kelayotgan “Vaz-21099” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan 1 dona “Regapen” nomli psixotrop dori vositasi hamda haydovchi, 1997-yilda tugʻilgan B.V.ning yonidan jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro B.V. va aniqlangan vositalar Yunusobod tumani IIO FMBga topshirilgan.

- 2022-yil 8-mart kuni soat 01:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari J.Turaboyev va B.Nugʻmonovlar tomonidan, Toshkent viloyatidan poytaxtga kirib kelayotgan, haydovchi, 1990-yilda tugʻilgan N.R. boshqaruvidagi “Nexia” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro N.R. va aniqlangan modda Bektemir tumani IIO FMBga topshirilgan.

- 2022-yil 8-mart kuni soat 02:30 larda, Yashnobod tumanida xizmat olib borayotgan YPX xodimi N.Nazarov tomonidan, Parkent bozori oldida shubhali koʻringan “Spark” rusumli avtomobil xolis va guvohlar ishtirokida tekshirilganda, yoʻlovchi, 1990-yilda tugʻilgan Sh.Sh.ning yonidan, 3 dona “Селофен” hamda 3 dona “Tropikamid” nomli psixotrop dori vositalari va 1 dona “Снуп” dorisi idishi ichida tarkibi nomaʼlum boʻlgan suyuqlik topilgan.

Mazkur holat yuzasidan tegishli hujjatlar rasmiylashtirilib, fuqaro Sh.Sh. va aniqlangan vositalar Yashnobod tumani IIO FMBga topshirilgan.

Tekshiruvlar davom etmoqda...