Yoʻllardagi tekshiruvlar davomida:

- 2022-yil 30-yanvar kuni soat 23:30 larda, Yakkasaroy tumanida xizmat olib borayotgan YPX xodimlari A.Azimbayev va S.Dushamovlar tomonidan, Muqimiy koʻchasi boʻylab harakatlanib kelayotgan “Cobalt” rusumli avtomobil toʻxtatilib, xolis va guvohlar ishtirokida tekshirilganida, yoʻlovchi, 1995-yilda tugʻilgan S.M.ning yonidan, selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro S.M. va aniqlangan modda Yakkasaroy tumani IIO FMBga topshirilgan.

- 2022-yil 31-yanvar kuni soat 04:00 larda, Yakkasaroy tumanida xizmat olib borayotgan YPX xodimi F.Ostonov tomonidan, Sh.Rustaveli koʻchasi boʻylab piyoda harakatlanib kelayotgan, 2001-yilda tugʻilgan R.Q. oʻzining koʻrinishi va xatti-harakatlari bilan xodimda shubha uygʻotgan. Xolis va guvohlar ishtirokidagi tekshiruvlar mobaynida, fuqaro R.Q.ning yonidan 5 dona “Regapen” nomli psixotrop dori vositalari hamda jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro R.Q. va aniqlangan moddalar Yakkasaroy tumani IIO FMBga topshirilgan.

Tekshiruvlar davom etmoqda...