Tekshiruvlar davomida:

- 2022-yil 12-fevral kuni soat 16:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari A.Poʻlatov va M.Doʻsimovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib tekshirilganda, haydovchi, 1999-yilda tugʻilgan M.T. oʻzining koʻrinishi va xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruvlar mobaynida, avtomobil salonidan 10.000 (oʻn ming) soʻmlik pul kupyurasiga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro M.T. va aniqlangan modda Bektemir tumani IIO FMBga topshirilgan.

- 2022-yil 13-fevral kuni, Mirobod tumanida xizmat olib borayotgan YPX xodimlari E.Turmatov va D.Bobobekovlar tomonidan, Fargʻona yoʻli koʻchasi boʻylab harakatlanib kelayotgan, haydovchi, 1988-yilda tugʻilgan B.X. boshqaruvidagi “Cobalt” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan 8 dona “Tropikamid” va 25 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro B.X. va aniqlangan vositalar Mirobod tumani IIO FMBga topshirilgan.

Yoʻllarda tekshiruvlar davom etmoqda...