Ob-havo keskin oʻzgarib kuchli qor yogʻishi va Oʻzbekiston Respublikasi Gidrometeorologiya xizmati markazi tomonidan berilgan 2023-yil 16-fevraldagi 111-son byulleteniga koʻra, soat 01:30 da A-373 “M-39 Guliston-Boʻka-Angren-Qoʻqon-Andijon orqali-Oʻsh” avtomobil yoʻlining 228-253 km.lar oraligʻida qor koʻchkisi xavfi yuzaga kelganligi sababli “Qamchiq” dovoni yoʻlida transport vositalari harakati vaqtincha toʻxtatilgan edi.

Koʻrilgan tezkor chora-tadbirlardan soʻng 16-fevral soat 21:00 dan dovondan harakatlanuvchi barcha turdagi avtotransport vositalari uchun ikki tomonlama harakat toʻliq qayta tiklanmoqda.

Barcha haydovchilardan ehtiyotkor boʻlishlarini, oraliq masofani saqlab, tezlikni meʼyoridan oshirmasdan harakatlanishlarini soʻraymiz.