2025-yil 22-aprel kuni soat 09:00larda “Namangan” YPX maskanida YHXXning “Qamchiq” dovoni boʻyicha YPX otryadi xodimlari tomonidan “Vodiy-Toshkent” yoʻnalishida harakatlanib kelgan “BYD” rusumli avtomobil toʻxtatilib tekshirilganda, avtomobil salonida boʻlgan yoʻlovchi, 1986-yilda tugʻilgan M.A. turli xatti-harakatlari bilan xodimlarda shubha uygʻotgan.

Xolis va guvohlar ishtirokidagi tekshiruv davomida avtomobil salonidan selofanlarga oʻralgan, 3 dona to‘q yashil rangli, oʻtkir hidli, koʻrinishidan giyohvandlik vositasiga oʻxshash moddalar topilgan.

Mazkur holat tegishli tartibda rasmiylashtirilib, aniqlangan modda va avtomobilda bo‘lgan fuqarolar Pop tumani IIBga topshirilgan.

Yoʻllarda tekshiruvlar davom etmoqda...