Ijtimoiy tarmoqlarda joriy yilning 26-27-may kunlarida Toshkent shahriga transport vositalarining kirishi taqiqlanishi va bugun tungi vaqtda “Qamchiq” dovonida harakat cheklanishi haqidagi asossiz va yolgʻon maʼlumotlar tarqatilmoqda.

Hurmatli yurtdoshlar! Joriy yilning 26-27-may kunlarida xalqaro darajadagi tadbirlar boʻlib oʻtishi va ayrim yoʻllarda taʼmirlash ishlari olib borilayotganligi sababli Toshkent shahridagi baʼzi koʻchalarda vaqti-vaqti bilan qisqa muddatga transport vositalarining harakati cheklanishi mumkin.

Toshkent shahriga transport vositalarining harakatlanib kirishiga hech qanday cheklovlar yoʻq.

Ijtimoiy tarmoqlardagi turli sahifalarning egalaridan norasmiy hamda asossiz maʼlumotlarni tarqatmasliklarini soʻraymiz.