“Andijon-Termiz” yoʻnalishi boʻyicha yoʻlovchi poyezdi orqali “Pop-2” stansiyasidan 50 nafar, “Temiryoʻlobod” stansiyasidan 150 nafar yoʻlovchilar oʻz manzillariga yuborildi.

Favkulodda vaziyatlar vazirligi talabnomasiga koʻra, “Oʻzbekiston temir yoʻllari” AJ tomonidan “Toshkent - Pop” yoʻnalishi boʻyicha qoʻshimcha yoʻlovchi poyezdi qoʻyildi.

“Ohangaron” stansiyasiga soat 19:40 da, “Angren” vokzaliga 20:10 da, “Orzu” vokzaliga soat 20:40 da kelishi belgilangan.

Yoʻlovchilarni vokzallarga yoʻnaltirish boʻyicha FVV, IIV, MG va temiryoʻl xodimlari tarkibidagi ishchi guruh shtablari ish olib bormoqda.