2025-yil 30-aprel kuni soat 11:45 larda “Namangan” YPX maskanida YHXXning “Qamchiq” dovoni bo‘yicha YPX otryadi xodimlari tomonidan “Vodiy-Toshkent” yo‘nalishida harakatlanib kelgan “Nexia 2” rusumli avtomobil to‘xtatilib tekshirilganda, yo‘lovchi, 2003-yilda tug‘ilgan Sh.S. turli xatti-harakatlari bilan xodimlarda shubha uyg‘otgan.

Xolis va guvohlar ishtirokidagi tekshiruv davomida yo‘lovchidan 1000 so‘mlik pul kupyurasiga o‘ralgan saqichsimon, to‘q yashil rangli, o‘tkir hidli, giyohvandlik vositasiga o‘xshash modda topilgan.

Shu kuni soat 17:15 larda haydovchi, 1994-yilda tug‘ilgan R.A. boshqaruvidagi “Tico” rusumli avtomobil ham to‘xtatilib, xolis va guvohlar ishtirokida tekshirilganda, yukxonasidan saqichsimon, to‘q yashil rangli, o‘tkir hidli, giyohvandlik vositasiga o‘xshash modda topilgan.

Mazkur holatlar tegishli tartibda rasmiylashtirilib, aniqlangan moddalar va fuqarolar Pop tumani IIBga topshirilgan.

Yo‘llarda tekshiruvlar davom etmoqda...