2022-yil 16-fevral kuni soat 11:00 larda, Chiroqchi tumanida joylashgan “Umakay” YPX maskanida xizmat olib borayotgan YPX xodimi R.Boymurodov tomonidan “Spark” rusumli atvomobil toʻxtatilib tekshirilganda, haydovchi, 1996-yilda tugʻilgan U.R. oʻzining koʻrinishi va xatti-harakatlari bilan xodimda shubha uygʻotgan. Xolis va guvohlar ishtirokidagi tekshiruvlar mobaynida avtomobil salonidan gugurt qutisiga solingan, yashil rangli, quritilgan hamda 5 dona yumaloqsimon, jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, haydovchi hamda yoʻlovchilar va aniqlangan moddalar Chiroqchi tumani IIBga topshirilgan. Hozirda tergovga qadar tekshiruv harakatlari olib borilmoqda.