2022-yil 11-yanvar kuni Toshkent viloyati, Quyichirchiq tumanida xizmat olib borayotgan YPX xodimi B.Amanbayev tomonidan “Nexia” rusumli avtomobil toʻxtatilib tekshirilganida, haydovchining meʼyoriy hujjatlari yoʻqligi va transport vositasi boshqa fuqaroga tegishliligi aniqlangan. Shundan soʻng, haydovchi, 1982-yilda tugʻilgan B.A.ning maʼlumotlari planshet moslamasi yordamida, maxsus dastur orqali tekshirilganida, ushbu fuqaro Oʻzbekiston Respublikasi Jinoyat Kodeksining 168-moddasi 2-qismi “a” bandi va ushbu moddaning 3-qismi “b” bandi bilan ayblanib, 2021-yil 3-noyabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro B.A. tuman IIBga topshirilgan.

Tekshiruvlar davom etmoqda.