2022-yil 25-mart kuni soat 14:20 larda Sirgʻali tumanida xizmat olib borayotgan YPX xodimi A.Soliyev tomonidan, “Islom Karimov” nomidagi Toshkent halqaro aeroporti yonida piyoda harakatlanib kelayotgan, 2003-yilda tugʻilgan Sh.A. toʻxtatilib, uning maʼlumotlari planshet moslamasi yordamida, maxsus dastur orqali tekshirilganda, fuqaro Sh.A. Oʻzbekiston Respublikasi Jinoyat Kodeksining 277-moddasi 2-qismi bilan ayblanib, 2022-yil 5-yanvar kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro Sh.A. Sirgʻali tumani IIO FMBga topshirilgan.