Ijtimoiy tarmoqda “Lacetti” rusumli, 60A600AA davlat raqam belgili avtomobil haydovchisi turli xavfli “drift”lar qilib, qarama-qarshi yoʻnalishga chiqib harakatlanganligi aks etgan video tarqaldi va keng jamoatchilik eʼtirozlariga sabab boʻldi.

Video, Andijon viloyati IIB YHXB xodimlari tomonidan oʻrganilib, ushbu “Lacetti” rusumli, 60A600AA davlat raqam belgili avtomobil haydovchisi, 1999-yilda tugʻilgan M.X.ga nisbatan transport vositasiga ruxsat etilmagan moslama oʻrnatganligi va qarama-qarshi yoʻnalishga chiqib harakatlanganligi boʻyicha oʻrnatilgan tartibda maʼmuriy bayonnoma rasmiylashtirilib, avtomobil vaqtincha saqlash uchun jarima maydoniga qoʻyildi.

Barcha haydovchilardan qoidalarga rioya qilishlarini, oʻzi va oʻzgalar salomatligini xavf ostiga qoʻymasliklarini soʻraymiz.