Ijtimoiy tarmoqda “Range Rover” rusumli, 01517LJA davlat raqam belgili avtomobil haydovchisi avariya holatini yuzaga keltirishi mumkin boʻlgan turli xavfli manyovrlar bilan harakatlanganligi aks etgan video tarqaldi.

Mazkur video xodimlar tomonidan oʻrganilib, haydovchi, 1979-yilda tugʻilgan Nishonov Dilmurod Zokirovichga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 128⁵-moddasi 2-qismi bilan chora koʻrildi.

Har qanday qoidabuzarlik va huquqbuzarlik uchun qonunda belgilangan tartibda chora qoʻriladi.

Ayrim ijtimoiy tarmoq obunachilaridan asoslantirilmagan, aniqlik kiritilmagan maʼlumotlarni turli nooʻrin izohlar bilan omma eʼtiboriga tarqatmaslikni soʻraymiz.

Holatda aks etgan barcha ishtirokchilarning xatti-harakatiga huquqiy baho beriladi, mazkur yoʻnalishda surishtiruv ishlari olib borilmoqda.

Shuningdek, ushbu videolavhani tasvirga olgan transport vositasi haydovchisi hamda “Nexia 3” rusumli avtomobilni boshqargan haydovchilarning shaxsini aniqlashga qaratilgan tadbirlar olib borilmoqda, ularning harakatlariga ham huquqiy baho beriladi.

Barcha haydovchilardan qoidalarga rioya qilishlarini soʻraymiz.