Ijtimoiy tarmoqda “Lacetti” rusumli avtomobil haydovchisi, 01T770HB boʻlgan davlat raqam belgisini oʻzboshimchalik bilan yechgan holda qarama-qarshi harakatlanish uchun moʻljallangan tomonga chiqib harakatlanganligi aks etgan video tarqaldi va keng jamoatchilik muhokamalariga sabab boʻldi.

Video Toshkent shahar IIBB JXX YHXB xodimlari tomonidan oʻrganilib, ushbu avtomobil haydovchisi, 2002-yilda tugʻilgan A.O. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 125-moddasi beshinchi qismi hamda 128⁵-moddasi ikkinchi qismi tartibida bayonnoma rasmiylashtirilib, avtomobil vaqtincha saqlash uchun jarima maydoniga qoʻyildi.

Barcha haydovchilardan qoidalarga rioya qilishlarini, yoʻllarda oʻzi va atrofdagilar salomatligini xavf ostiga qoʻymasliklarini soʻraymiz.