Ijtimoiy tarmoqda “Spark” rusumli,60K663CA davlat raqam belgili avtomobil haydovchisi piyodalar oʻtish joyidan yoʻlni kesib oʻtayotgan piyodalarga yoʻl bermasdan, avariya holatini yuzaga keltirganligi aks etgan video tarqaldi va keng jamoatchilik eʼtirozlariga sabab boʻldi.

Video Andijon viloyati IIB JXX YHXB xodimlari tomonidan oʻrganilib, ushbu qoidabuzar haydovchi K.I. ga nisbatan Oʻzbekiston Respublikasi MJtKning 128⁵-moddasi ikkinchi qismi tartibida maʼmuriy bayonnoma rasmiylashtirildi.

Barcha haydovchilardan belgilangan qoidalarga rioya qilishlarini soʻraymiz.