Ijtimoiy tarmoqda “Malibu” rusumli, 01901DHA davlat raqam belgili avtomobil haydovchisi qoʻpol qoidabuzarliklar bilan harakatlanganligi aks etgan video tarqaldi va keng jamoatchilik muhokamalariga sabab boʻldi.

Video yuzasidan Toshkent shahar IIBB YHXB masʼul xodimlari tomonidan surishtiruv olib borildi. Qoidalarni qoʻpol tarzda chetlab oʻtgan “Malibu” rusumli, 01901DHA davlat raqam belgili avtomobil haydovchisi A.K. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 128⁵-moddasi tartibida yashash manzili boʻyicha Andijon viloyati IIB YHXB xodimlari tomonidan bayonnoma rasmiylashtirildi.

Barcha haydovchilardan qoidalarga rioya qilishlarini, yoʻllarda oʻzi va atrofdagilar salomatligini xavf ostiga qoʻymasliklarini soʻraymiz.