Ijtimoiy tarmoqda «Guliston shahrida shoshqaloq haydovchi — o‘zining va o‘zgalarning hayotini xavf ostiga qo‘yib, qarama-qarshi yo‘nalishdagi o‘nga yaqin mashinalarni "terib" o‘tdi» izohi bilan video tarqaldi.

Video yuzasidan Guliston shahar IIO FMB YHXB xodimlari tomonidan surishtiruv olib borilib, qoidani buzgan haydovchi aniqlandi va unga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 128 prim 5 moddasi tartibida ma’muriy bayonnoma rasmiylashtirildi.

Barcha haydovchilardan qoidalarga rioya qilishlarini, yo‘llarda o‘zi va atrofdagilar salomatligini xavf ostiga qo‘ymasliklarini so‘raymiz.