Ijtimoiy tarmoqda Koson tumani hokimligi qarshisida, 3.27 — “Toʻxtash taqiqlangan” yoʻl belgisining taʼsir doirasida toʻxtab turgan “Lacetti” rusumli, 70109DAV davlat raqam belgili avtomobil aks etgan video tarqalib, keng jamoatchilik muhokamalariga sabab boʻldi.

Video Qashqadaryo viloyati IIB JXX YHXB xodimlari tomonidan oʻrganilib, qoidani buzgan haydovchiga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 128 prim oltinchi moddasi birinchi qismi tartibida chora koʻrildi.

Barcha haydovchilardan qoidalarga rioya qilishlarini soʻraymiz.