Ijtimoiy tarmoqda “Andijon shahrida avtobus xaydovchilari oʻqiganmi?” izohi bilan video tarqaldi.

Videoda 60735MBA davlat raqam belgili avtobus haydovchisi svetoforning taqiqlovchi ishorasi yonganligi, yoʻlni piyodalar kesib oʻtayotganligiga qaramasdan harakatda davom etganligi aks etgan.

Video Andijon viloyati IIB JXX YHXB masʼul xodimlari tomonidan oʻrganilib, mazkur avtobus haydovchisi M.K. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 128 prim 4 moddasi 2-qismi tartibida bayonnoma rasmiylashtirildi.

Barcha haydovchilardan, ayniqsa yoʻlovchi tashish bilan shugʻullanuvchilardan qoidalarga qatʼiy rioya qilishlarini soʻraymiz.