Ijtimoiy tarmoqda “Lacetti” rusumli, 01T151RA davlat raqam belgili avtomobil haydovchisi svetoforning taqiqlovchi qizil chirogʻida harakatlanganligi aks etgan video tarqaldi va keng jamoatchilik muhokamalariga sabab boʻldi.

Video Toshkent shahar IIBB JXX YHXB xodimlari tomonidan oʻrganilib, qoidani buzgan haydovchi, 2001-yilda tugʻilgan M.A. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 128 prim toʻrtinchi moddasi ikkinchi qismi tartibida bayonnoma rasmiylashtirildi.

Barcha haydovchilardan belgilangan qoidalarga rioya qilishlarini soʻraymiz.