Ijtimoiy tarmoqda “Cobalt” rusumli, 01B822KB davlat raqam belgili avtomobil haydovchisi transport vositalarining oqimiga qarama-qarshi tarzda harakatlanib, piyodani turtib yuborganligi aks etgan video tarqaldi va keng jamoatchilik muhokamalariga sabab boʻldi. Surishtiruvlar davomida piyoda tan jarohati olmaganligi maʼlum boʻldi.

Video Toshkent shahar IIB JXX YHXB masʼul xodimlari tomonidan oʻrganilib, ushbu haydovchiga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 128⁵-moddasi ikkinchi qismi tartibida bayonnoma rasmiylashtirildi.

Barcha yoʻl harakati qatnashchilaridan yoʻllarda qoidalarga rioya qilgan holda harakatlanishlarini soʻraymiz.