Tadbirning asosiy maqsadi — fuqarolarning murojaatlarini bevosita joyida tinglash, hududlarda mavjud muammolarni o‘rganish va ularni tezkor hal etish, shuningdek, yo‘l infratuzilmasini zamon talablariga mos ravishda yaxshilashdan iborat bo‘ldi.

Jarayonda fuqarolar bilan ochiq muloqot o‘tkazib, yo‘l harakati xavfsizligi sohasidagi dolzarb masalalarni muhokama qildi. Qabul davomida mahalliy aholi vakillari yo‘l belgilarining yetishmasligi, svetoforlarning sozligi, piyodalar o‘tish joylari holati va transport oqimini tartibga solish bo‘yicha o‘z takliflarini bildirdi. Ko‘tarilgan masalalar yuzasidan rahbariyat vakillari mas’ul idoralarga aniq topshiriqlar berdi, ayrim muammolar esa joyida hal etildi.

Sayyor qabul nafaqat fuqarolarning ishonchini mustahkamladi, balki hududda xavfsiz va qulay harakatlanish uchun yangi imkoniyatlar yaratishga xizmat qildi. Aholi, ayniqsa yoshlar bilan o‘tkazilgan suhbatlarda yo‘l harakati qoidalariga amal qilishning ahamiyati, bolalar ishtirokidagi YTHlarning oldini olish choralari keng tushuntirildi.