Ijtimoiy tarmoqda “Cobalt” rusumli, 80C051TA davlat raqam belgili avtomobil haydovchisi harakati davomida oʻzidan oldinda boʻlgan transportni quvib oʻtishda belgilangan talablarga rioya etmasdan YTH sodir boʻlishi mumkin boʻlgan xavfli vaziyatni yuzaga keltirganligi aks etgan video tarqaldi.

Video yuzasidan Buxoro viloyati IIB JXX YHXB xodimlari tomonidan surishtiruv olib borilib, qoidani chetlab oʻtgan haydovchiga nisbatan Oʻzbekiston Respublikasi MJtKning 128⁵-moddasi ikkinchi qismi tartibida bayonnoma rasmiylashtirildi.

Barcha haydovchilardan yoʻllarda shoshilmasdan, qoidalarga rioya qilgan holda harakatlanishlarini soʻraymiz.