Tekshiruvlar davomida:

- 2022-yil 15-aprel kuni soat 02:40 larda, Uchtepa tumanida xizmat olib borayotgan YPX xodimlari B.Nurmatov va A.Ro‘ziboyevlar tomonidan, Zargarlik ko‘chasi bo‘ylab harakatlanib kelayotgan, haydovchi, 1988-yilda tug‘ilgan N.T. boshqaruvidagi "Nexia" rusumli avtomobil to‘xtatilib, xolis va guvohlar ishtirokida tekshirilganda, avtomobil salonidan 1000 so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddasi va selofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro N.T. va aniqlangan moddalar Uchtepa tumani IIO FMBga topshirilgan.

- 2022-yil 15-aprel kuni soat 14:50 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari B.Nug‘monov va N.Dosimovlar tomonidan, Toshkent viloyatidan poytaxtga kirib kelayotgan "Nexia" rusumli avtomobil to‘xtatilib, xolis va guvohlar ishtirokida tekshirilganda, yo‘lovchi, 1974-yilda tug‘ilgan S.K.ning yonidan 10 milligrammli shpris ichida, jigar rangli suyuqlik hamda uning sumkasidan selofanga solingan, jigar rangli, o‘trik hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro S.K. va aniqlangan moddalar Bektemir tumani IIO FMBga topshirilgan.

- 2022-yil 15-aprel kuni soat 22:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari J.To‘raboyev va F.Djurayevlar tomonidan, Toshkent viloyatidan poytaxtga kirib kelayotgan, haydovchi, 1977-yilda tug‘ilgan O.U. boshqaruvidagi "Nexia" rusumli avtomobil to‘xtatilib, xolis va guvohlar ishtirokida tekshirilganda, avtomobil salonidan zar qog‘ozga o‘ralgan, pushti rangli, o‘tkir hidli kukunsimon modda va 8 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro O.U. va aniqlangan vositalar Bektemir tumani IIO FMBga topshirilgan.

Yo‘llarda tekshiruvlar davom etmoqda...