Poytaxt koʻchalaridagi tekshiruvlar davomida:

- 2022-yil 6-fevral kuni soat 09:45 larda Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va N.Dosimovlar tomonidan Toshkent viloyatidan poytaxtga kirib kelayotgan “Nexia” rusumli avtomobil toʻxtatilib xolis va guvohlar ishtirokida tekshirilganda, salonda boʻlgan yoʻlovchi, 1971-yilda tugʻilgan T.T.ning choʻntagidagi gugurt qutisi ichidan 2 dona, jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro T.T. va aniqlangan modda Bektemir tumani IIO FMBga topshirilgan;

- 2022-yil 6-fevral kuni soat 13:30 larda Bektemir tumanida joylashgan “Sharq” YPX maskanida xizmat olib borayotgan YPX xodimlari A.Pulatov va M.Sharipovlar tomonidan Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, salonda boʻlgan yoʻlovchi, 1998-yilda tugʻilgan M.S.ning qoʻlidagi “KENT” nomli sigareta qutisi ichidan, sellofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.S. va topilgan modda Bektemir tumani IIO FMBga topshirilgan; 

- 2022-yil 6-fevral kuni soat 23:00 larda, Bektemir tumaniga xizmatga jalb qilingan YPX xodimi A.Mardiyev tomonidan TXAY koʻchasi boʻylab harakatlanib kelayotgan “Matiz” rusumli avtomobil toʻxtatilib, xolis va guvohlar ishtirokida tekshirilganda, salonda boʻlgan yoʻlovchi, 1987-yilda tugʻilgan M.Z.ning sumkasidan 3 dona “Tropikamid” nomli va 10 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro M.Z. va topilgan dori vositalari Bektemir tumani IIO FMBga topshirilgan;

- 2022-yil 7-fevral kuni soat 01:30 larda, Olmazor tumaniga xizmatga jalb qilingan YPX xodimi Sh.Ochildiyev tomonidan KXAY koʻchasi boʻylab harakatlanib kelayotgan “Matiz” rusumli avtomobil toʻxtatilib, xolis va guvohlar ishtirokida tekshirilganda, transport vositasi salonidan inson tanasiga tan jarohati yetkazishi mumkin boʻlgan bir dona temir “bita” hamda yoʻlovchi, 1986-yilda tugʻilgan A.A.ning yonidan 1 dona “Tropikamid” nomli psixotrop dori vositasi topilgan.

Mazkur holat yuzasidan tegishli hujjatlar rasmiylashtirilib, haydovchi, 1978-yilda tugʻilgan A.I. va yoʻlovchi A.A.lar hamda topilgan vositalar Olmazor tumani IIO FMBga topshirilgan.

Tekshiruvlar davom etmoqda...