Joriy yilning 2-dekabr kuni O‘zbekiston Respublikasi Ichki ishlar vazirligi Yo‘l harakati xavfsizligi bosh boshqarmasi binosida mas’ul xodimlar va OAV vakillari ishtirokida brifing bo‘lib o‘tdi. Unda O‘zbekiston Respublikasining “Transport va moliya sohalaridagi ayrim huquqbuzarliklarni sodir etganlik uchun ma’muriy jazolar liberallashtirilishi munosabati bilan O‘zbekiston Respublikasining Ma’muriy javobgarlik to‘g‘risidagi kodeksiga o‘zgartish va qo‘shimchalar kiritish haqida”gi O‘zbekiston Respublikasining 734-sonli Qonuni yuzasidan brifing ishtirokchilarga batafsil ma’lumot hamda jurnalistlarning bir qancha savollariga javoblar berildi.