2024-yil 16-yanvar kuni soat 23:20 larda Kattaqoʻrgʻon tumanida xizmat olib borayotgan YPX xodimi tomonidan davlat raqam belgilarisiz harakatlanib kelayotgan “Cobalt” rusumli avtomobil toʻxtatilib tekshirilganda, haydovchining tegishli hujjatlari yoʻqligi maʼlum boʻlgan va unga nisbatan tegishli tartibda maʼmuriy bayonnoma rasmiylashtirilib, transport vositasi vaqtincha saqlash uchun jarima maydoniga joylangan.

Haydovchi U.K. xodimning oldiga kelib, rasmiylashtirilgan maʼmuriy bayonnomani yoʻq qilish hamda avtomobilini jarima maydonidan chiqarib berish evaziga 400 AQSH dollari miqdoridagi pullarni pora tariqasida taklif qilgan. Shundan soʻng, YPX xodimi IIB boshligʻiga bildirgi orqali murojaat qilib, fuqaro U.K.ning noqonuniy taklifi boʻyicha tegishli chora koʻrilishini soʻragan.

Sohaviy xizmat xodimlari hamkorligida tezkor tadbir oʻtkazilib, fuqaro U.K. 400 AQSH dollari miqdoridagi pullarni YPX xodimiga pora tariqasida bergan vaqtida tadbir ishtirokchilari tomonidan daliliy ashyolar bilan ushlangan.

Hozirda holat yuzasidan Iqtisodiy jinoyatlarga qarshi kurashish departamentining Kattaqoʻrgʻon tuman boʻlimi tomonidan JKning tegishli moddalari bilan jinoyat ishi qoʻzgʻatilib, dastlabki tergov harakatlari olib borilmoqda.

Shuningdek, Pastdargʻom tumanida xizmat olib borayotgan YPX xodimi tomonidan “Cobalt” rusumli transport vositasi haydovchisi O.T.ga nisbatan spirtli ichimlik isteʼmol qilib, mast holda transport vositasini boshqarganligi boʻyicha oʻrnatilgan tartibda maʼmuriy bayonnoma rasmiylashtirilgan.

Haydovchi O.T. xodimning oldiga kelib, unga nisbatan tuzilgan maʼmuriy bayonnomani yoʻq qilish hamda avtomobilini jarima maydonidan chiqarib berish evaziga 400 AQSH dollari miqdoridagi pullarni pora tariqasida taklif qilgan.

YPX xodimining bildirgisi asosida sohaviy xizmat xodimlari hamkorligida tezkor tadbir oʻtkazilib, fuqaro O.T. YPX xodimiga 400 AQSH dollari miqdoridagi pullarni pora tariqasida bergan vaqtida tadbir ishtirokchilari tomonidan daliliy ashyolar bilan ushlangan.

Hozirda holat yuzasidan Pastdargʻom tuman prokuraturasi tomonidan JKning tegishli moddalari bilan jinoyat ishi qoʻzgʻatilib, dastlabki tergov harakatlari olib borilmoqda.

Shuningdek, 2024-yil 9-fevral kuni Oqdaryo tumani hududidan oʻtuvchi M-37 avtomobil yoʻlida xizmat olib borayotgan YPX xodimi tomonidan ham “Cobalt” rusumli transport vositasi haydovchisi O.R.ga nisbatan spirtli ichimlik isteʼmol qilib, mast holda transport vositasini boshqarganligi boʻyicha oʻrnatilgan tartibda maʼmuriy bayonnoma rasmiylashtirilgan.

Shundan soʻng, haydovchi O.R. oʻsha hududda xizmat olib borayotgan YPXB otryadi guruh komandirining oldiga kelib, unga nisbatan tuzilgan maʼmuriy bayonnomani yoʻq qilish hamda avtomobilini jarima maydonidan chiqarib berish evaziga 400 AQSH dollari miqdoridagi pullarni pora tariqasida taklif qilgan.

Xodimning bildirgisi asosida sohaviy xizmat xodimlari hamkorligida tezkor tadbir oʻtkazilib, fuqaro O.R. 400 AQSH dollari miqdoridagi pullarni pora tariqasida bergan vaqtida tadbir ishtirokchilari tomonidan daliliy ashyolar bilan ushlangan.

Hozirda holat yuzasidan Pastdargʻom tumani prokuraturasi tomonidan JKning tegishli moddalari bilan jinoyat ishi qoʻzgʻatilib, dastlabki tergov harakatlari olib borilmoqda

Korrupsiya holati haqida tegishli tashkilot masʼullariga xabar bergan xodimlarga tashakkurnoma eʼlon qilinib, IIB tomonidan pul mukofoti bilan ragʻbatlantirildi.