Samarqand viloyatida jinoyatchilikka qarshi kurashish, yo‘l harakati qoidalarini buzish holatlarini bartaraf etish va YTHlarning oldini olish maqsadida kuchaytirilgan tungi reydlar davom etmoqda.

O‘zbekiston Respublikasi Ichki ishlar vazirligi Jamoat xavfsizligi departamenti Yo‘l harakati xavfsizligi xizmati va boshqa huquqni muhofaza qiluvchi organlar hamkorligida tungi xizmatga jalb qilingan xodimlar uchun xizmat oldi saf yo‘riqnomasi o‘tkazildi.

Shundan so‘ng, barcha xodimlar Samarqand viloyati bo‘ylab kuchaytirilgan tungi nazorat tadbirlarini amalga oshirishga kirishdi. Reydlar doirasida jamoat tartibini saqlash, harakat xavfsizligini ta’minlash, huquqbuzarliklarni aniqlash va ularning oldini olish bo‘yicha qat’iy choralar ko‘rilmoqda.