2021-yil 7-dekabr kuni Samarqand viloyati, Bulung‘ur tumani hududidan o‘tuvchi M-39 avtomobil yo‘lida joylashgan "Yuqori nuqta" muntazam YPX maskanida xizmat olib borgan xodimlar tomonidan "Samarqand-Toshkent" yo‘nalishida harakatlanib kelayotgan "YUTONG" rusumli avtomobil to‘xtatilib tekshirilganda, salonda bo‘lgan yo‘lovchi X.F. muqaddam bir qancha jinoyatlarni sodir etganlikda ayblanayotganligi, hozirda qidiruvdaligi ma’lum bo‘lgan va zudlik bilan ushlangan.

Holat yuzasidan tegishli hujjatlar rasmiylashtirilib, fuqaro X.F. tuman IIBga topshirilgan.