2024-yil 19-dekabr kuni soat 17:00larda Samarqand viloyati, Urgut tumani hududida joylashgan “Omonqoʻton” YPX maskanida xizmat olib borayotgan YPX xodimlari tomonidan “Captiva” rusumli transport vositasi toʻxtatilib, haydovchining hujjatlarini koʻzdan kechirish jarayonida u oʻzining koʻrinishi va turli xatti-harakatlari bilan xodimlarda shubha uygʻotgan.

Xolis va guvohlar ishtirokidagi tekshiruvlar davomida avtomobil salonidan gugurt qutisiga solingan, yashil rangli, oʻtkir hidli, giyohvandlik vositasiga oʻxshash modda aniqlangan.

Holat yuzasidan belgilangan tartibda hujjatlar rasmiylashtirilib, topilgan modda hamda haydovchi Urgut tuman IIBga topshirilgan.