2022-yil 1-aprel kuni soat 02:20 larda Bektemir tumanida joylashgan “Sharq” YPX maskanida huquqni muhofaza qiluvchi organ xodimlari bilan hamkorlikdagi tekshiruvlar davomida YPX xodimlari N.Dosimov va B.Nugʻmonovlar tomonidan Toshkent viloyati hududidan poytaxtga kirib kelayotgan “Lacetti” rusumli avtomobil toʻxtatilib xolis va guvohlar ishtirokida tekshirilganda, avtomobil haydovchisi, 1977-yilda tugʻilgan A.X.ning yonidan selofanga oʻralgan, jigar rangli, oʻtkir hidli, saqichsimon modda, shuningdek, salonda boʻlgan yoʻlovchi, 1992-yilda tugʻilgan D.A.ning yonidan 4 dona “Тропикамид” nomli va 1 dona “Лирика” nomli psixotrop dori vositalari hamda transport vositasi saloni va yukxonasidan “kolba” shishasiga yopishtirilgan jigar rangli, oʻtkir hidli, saqichsimon modda, 71 dona “Тропикамид” nomli, 15 dona “Лирика” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqarolar A.X. va D.A. hamda topilgan vositalar Bektemir tumani IIO FMBga topshirilgan.