Joriy yilning 7-avgust kuni soat 03:00 larda, Toshkent shahar, Bektemir tumani hududida joylashgan "Sharq" YPX maskanida xizmat olib borayotgan YPX xodimlari M.Shamshiyev va F.Djo‘rayevlar tomonidan "Lacetti" rusumli avtomobil to‘xtatilib maskanda xizmat olib borayotgan Kinologiya va PPX xodimlari ishtirokida tekshirilganda, 1987-yilda tug‘ilgan yo‘lovchi R.Q.ning cho‘ntagidan sellofanga o‘ralgan, yashil rangli, o‘tkir hidli giyohvandlik vositasiga o‘xshash modda topilgan.

Holat guvoh va xolislar ishtirokida rasmiylashtirilgan. Yo‘lovchi R.Q. va aniqlangan modda o‘rganib chiqishlik uchun tuman IIBga topshirilgan.