Ijtimoiy tarmoqda Sirdaryo viloyati, Mirzaobod tumani hududida YPX xodimi O.Egamberdiyev “Lacetti” rusumli avtomobil haydovchisini toʻxtatgan va haydovchi spirtli ichimlik ichgan yoki yoʻqligini bir marotaba foydalaniladigan “stakan” orqali tekshirmoqchi boʻlganligi aks etgan video yuzasidan Sirdaryo viloyati IIB YHXB masʼul xodimlari tomonidan xizmat tekshiruvi oʻtkazilayotganligi haqida maʼlumot berilgan edi.

Tekshiruv xulosasiga koʻra, xizmati mobaynida “Transport vositalari haydovchilarining mast holatda ekanligini aniqlash tartibi toʻgʻrisidagi Nizom” hamda Ichki ishlar vazirining ayrim meʼyoriy buyruqlari talablarini buzganligi uchun Sirdaryo viloyati IIB YHXB YPX inspektori O.Egamberdiyevga nisbatan “Hayfsan” intizomiy jazosi qoʻllanilishi belgilandi.