Joriy yil 18-avgust kuni soat 04:25 larda, Samarqand viloyati, Samarqand tumani, "O‘rtashik" mahallasi hududida YPX xodimlari O.Muhammadiyev va B.Suvonovlar tomonidan "Spark" rusumli avtomobil to‘xtatilib tekshirilganda avtomobilning old o‘rindig‘i g‘ilofining orqa tomondagi cho‘ntagida plastik idishning qopqog‘iga solingan, qog‘ozga o‘ralgan yashil rangli, o‘tkir hidli giyohvandlik vositasiga o‘xshash modda aniqlanib tegishli tartibda xolis va guvohlar ishtirokida hujjatlar rasmiylashtirilgan.

Holat batafsil o‘rganilishi uchun aniqlangan vosita hamda transport vositasi haydovchisi va yo‘lovchilari tuman IIBga topshirilgan.