2022-yil 25-yanvar kuni soat 01:10 larda, Bektemir tumanida xizmat olib borayotgan YPX xodimlari B.Abitbayev va N.Xudayqulovlar tomonidan, Aray koʻchasidan harakatlanib kelayotgan “Spark” rusumli avtomobil toʻxtatilib tekshirilganida, yoʻlovchi, 1989-yilda tugʻilgan M.G. oʻzining koʻrinishi va xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruvlar mobaynida fuqaro M.G.ning yonidan, zar qogʻozga oʻralgan, oq rangli, oʻtkir hidli, kukunsimon modda va ikki dona shpris topilgan.

Mazkur holat yuzasidan tegishli hujjatlar rasmiylashtirilib, fuqaro M.G. va aniqlangan modda Bektemir tumani IIO FMBga topshirilgan.

Tekshiruvlar davom etmoqda.