2022 йил 25 январь куни соат 01:10 ларда, Бектемир туманида хизмат олиб бораётган ЙПХ ходимлари Б.Абитбаев ва Н.Худайқуловлар томонидан, Арай кўчасидан ҳаракатланиб келаётган "Spark" русумли автомобиль тўхтатилиб текширилганида, йўловчи, 1989 йилда туғилган М.Г. ўзининг кўриниши ва хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширувлар мобайнида фуқаро М.Г.нинг ёнидан, зар қоғозга ўралган, оқ рангли, ўткир ҳидли, кукунсимон модда ва икки дона шприц топилган.

Мазкур ҳолат юзасидан тегишли ҳужжатлар расмийлаштирилиб, фуқаро М.Г. ва аниқланган модда Бектемир тумани ИИО ФМБга топширилган.

Текширувлар давом этмоқда.