Toshkent shahar hokimligi Matbuot xizmatining xabariga koʻra, 2022-yilning 23-24-aprel kunlari Toshkent shahrida, Xalqlar doʻstligi maydoni atrofidagi koʻchalarda sportchilar va havaskorlar orasida “Duatlon boʻyicha Oʻzbekiston chempionati-2022” boʻlib oʻtadi. Shu sababli, musobaqa kunlarida qator koʻchalar soat 06:00 dan 14:30 ga qadar yopiladi:

• Furqat koʻchasining Islom Karimov shoh koʻchasi va Seul koʻchasi oraligʻidagi qismi;
• Islom Karimov shoh koʻchasining Furqat va Bunyodkor shoh koʻchasi oraligʻidagi qismi;
• Bunyodkor shoh koʻchasining Islom Karimov shoh koʻchasi va Seul koʻchalari oraligʻidagi qismi;
• Seul koʻchasining Bunyodkor shoh koʻchasi va Furqat koʻchalari oraligʻidagi qismi;

Ushbu vaqt oraligʻida haydovchilarga aylanma yoʻllardan foydalanish tavsiya etiladi. Barcha haydovchilardan tartibga soluvchilarning ishoralariga, yoʻl belgilari va chiziqlarining talablariga rioya qilishlarini soʻraymiz.