Transport vositalarini vaqtincha saqlash (jarima maydoni) faoliyatini amalga oshirish huquqini olish bo‘yicha tanlov!

O‘zbekiston Respublikasi Vazirlar Mahkamasining 2011-yil 25-maydagi 149-sonli qarori bilan tasdiqlangan Nizomga muvofiq, 2025-yil 1-iyundan boshlab ushlangan transport vositalarini saqlash xizmatlarini amalga oshirish bo‘yicha yuridik shaxslar o‘rtasida tanlov e’lon qilinadi.

Tanlov predmeti:

- Qonunbuzarlik tufayli ushlangan transport vositalarini saqlash (jarima maydonchalari) xizmati.

Tanlovda ishtirok etish shartlari:

- O‘zbekiston Respublikasi qonun hujjatlariga muvofiq yuridik shaxs sifatida ro‘yxatdan o‘tgan bo‘lish;

- Belgilangan sanitariya, yong‘inga qarshi, ekologik va texnik xavfsizlik talablariga javob beradigan joyga egalik qilish yoki foydalanish huquqiga ega bo‘lish;

- Maydoncha video kuzatuv, yoritish, va kirish-chiqishni nazorat qilish tizimlari bilan jihozlangan bo‘lishi zarur.

Taqdim etiladigan hujjatlar:

- Yuridik shaxsni davlat ro‘yxatidan o‘tkazilganligi haqidagi guvohnoma nusxasi;

- STIR nusxasi (soliq organidan);

- Maydoncha joylashgan yerga egalik yoki foydalanish huquqini tasdiqlovchi hujjat;

- Maydonchaning sxematik rejasi va texnik tavsifi (jihozlar, sig‘im, quvvat);

- Tashkilotning texnik va mehnat resurslari haqida ma’lumotlar;

- Agar mavjud bo‘lsa, boshqa tegishli ruxsatnomalar.

Hujjatlar qabul qilish muddati:

- E’lon qilingan sanadan boshlab 15 ish kuni ichida.

Topshirish manzili:

- Ichki ishlar vazirligi Jamoat xavfsizligi departamenti Yo‘l harakati xavfsizligi xizmati — my-car.uz

Aloqa uchun:

Telefon: +998 (71) 267-60-10

Natijalar e’lon qilinishi:

Barcha ishtirokchilarga yozma ravishda va my-car.uz saytida ma’lum qilinadi.

Shartnoma tuzilishi:

Gʻolib deb topilgan tashkilot bilan hamkorlik shartnomasi tuziladi. Shartlar buzilgan taqdirda, faoliyat bekor qilinishi mumkin.

Eslatma:

Tanlovda ishtirok etuvchilar taqdim etgan ma’lumotlarning haqqoniyligi uchun shaxsan javobgardir. Noto‘g‘ri yoki soxta hujjatlar aniqlansa, ariza rad etiladi.