Tekshiruvlar davomida:

- 2022-yil 10-iyul kuni soat 15:40 larda Chilonzor tumanida joylashgan “Erkin” YPX maskanida xizmat olib borayotgan YPX xodimlari N.Djumanazarov va Sh.Xikmatovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1992-yilda tugʻilgan Sh.S.ning yonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Sh.S. va topilgan modda Chilonzor tumani IIO FMBga topshirilgan.

- 2022-yil 9-iyul kuni soat 13:20 larda, Olmazor tumanida joylashgan “M.Fozilov” toʻsiq-postida xizmat olib borayotgan YPX xodimlari J.Madraimov va O.Ismatullayevlar tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1993-yilda tugʻilgan F.O.ning yonidan selofanga solingan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro F.O. va topilgan modda Olmazor tumani IIO FMBga topshirilgan.

- 2022-yil 10-iyul kuni soat 01:30 larda Yangihayot tumanida joylashgan “Yangihayot” blok-postida xizmat olib borayotgan YPX xodimi A.Toliyev tomonidan, Toshkent viloyatidan poytaxtga kirib kelayotgan, haydovchi, 1999-yilda tugʻilgan A.M. boshqaruvidagi “Spark” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan zar qogʻozga oʻralgan, oq rangli kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.M. va topilgan modda Yangihayot tumani IIO FMBga topshirilgan.

Yoʻllarda tekshiruvlar davom etmoqda...