Текширувлар давомида:

- 2022 йил 10 июль куни соат 15:40 ларда Чилонзор туманида жойлашган “Эркин” ЙПХ масканида хизмат олиб бораётган ЙПХ ходимлари Н.Джуманазаров ва Ш.Хикматовлар томонидан, Тошкент вилоятидан пойтахтга кириб келаётган "Lacetti" русумли автомобиль тўхтатилиб, холис ва гувоҳлар иштирокида текширилганда, йўловчи, 1992 йилда туғилган Ш.С.нинг ёнидан целлофанга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Ш.С. ва топилган модда Чилонзор тумани ИИО ФМБга топширилган.

- 2022 йил 9 июль куни соат 13:20 ларда, Олмазор туманида жойлашган “М.Фозилов” тўсиқ-постида хизмат олиб бораётган ЙПХ ходимлари Ж.Мадраимов ва О.Исматуллаевлар томонидан, Тошкент вилоятидан пойтахтга кириб келаётган "Nexia" русумли автомобиль тўхтатилиб, холис ва гувоҳлар иштирокида текширилганда, йўловчи, 1993 йилда туғилган Ф.О.нинг ёнидан целлофанга солинган, оқ рангли, ўткир ҳидли, кукунсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Ф.О. ва топилган модда Олмазор тумани ИИО ФМБга топширилган.

- 2022 йил 10 июль куни соат 01:30 ларда Янгиҳаёт туманида жойлашган “Янгиҳаёт” блок-постида хизмат олиб бораётган ЙПХ ходими А.Толиев томонидан, Тошкент вилоятидан пойтахтга кириб келаётган, ҳайдовчи, 1999 йилда туғилган А.М. бошқарувидаги "Spark" русумли автомобиль тўхтатилиб, холис ва гувоҳлар иштирокида текширилганда, автомобиль салонидан зар қоғозга ўралган, оқ рангли кукунсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.М. ва топилган модда Янгиҳаёт тумани ИИО ФМБга топширилган.

Йўлларда текширувлар давом этмоқда...