Tekshiruvlar davomida:

- 2022-yil 8-avgust kuni soat 12:20 larda Olmazor tumanida joylashgan “Mineral suvlar” blok-postida xizmat olib borayotgan YPX xodimi А.Qayumov tomonidan, Toshkent viloyatidan poytaxtga kirib kelayotgan "Labo" rusumli avtomobil toʼxtatilib, xolis va guvohlar ishtrokida tekshirilganda, haydovchi, 1986-yilda tugʼilgan А.А.ning yonidagi sigareta qutisi ichidan selofanga oʼralgan, jigar rangli, oʼtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro А.А. va topilgan modda Olmazor tumani IIO FMBga topshirilgan.

- 2022-yil 9-avgust kuni soat 00:10 larda Yangihayot tumanida joylashgan “Yangihayot” blok-postida xizmat olib borayotgan YPX xodimi А.Toliev tomonidan, Toshkent viloyatidan poytaxtga kirib kelayotgan, haydovchi, 1994-yilda tugʼilgan E.А. boshqaruvidagi "Matiz" rusumli avtomobil toʼxtatilib, xolis va guvohlar ishtirokida tekshirilganda, avtomobil salonidan selofanga solingan, oq rangli, oʼtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro E.А. va topilgan modda Yangihayot tumani IIO FMBga topshirilgan.

- 2022-yil 8-avgust kuni soat 13:30 larda Olmazor tumanida joylashgan “Mineral suvlar” blok-postida xizmat olib borayotgan YPX xodimi А.Qayumov tomonidan, Toshkent viloyatidan poytaxtga kirib kelayotgan, haydovchi, 1987-yilda tugʼilgan O.А. boshqaruvidagi "Lacetti" rusumli avtomobil toʼxtatilib, xolis va guvohlar ishtirokida tekshirilganda, avtomobil salonidan qogʼozga oʼralgan, jigar rangli, oʼtkir hidli, quritilgan oʼsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro O.А. va topilgan modda Olmazor tumani IIO FMBga topshirilgan.