Tekshiruvlar davomida:

- 2022-yil 15-aprel kuni soat 00:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va D.Payziyevlar tomonidan, Toshkent viloyatidan poytaxtga kirib kelayotgan "Lacetti" rusumli avtomobil to‘xtatilib, xolis va guvohlar ishtirokida tekshirilganda, yo‘lovchi, 1957-yilda tug‘ilgan S.A.ning yonidan selofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro S.A. va aniqlangan modda Bektemir tumani IIO FMBga topshirilgan.

- 2022-yil 15-aprel kuni soat 01:30 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari N.Djumanazarov va Sh.Xikmatovlar tomonidan, Toshkent viloyatidan poytaxtga kirib kelayotgan, haydovchi, 1976-yilda tug‘ilgan M.M. boshqaruvidagi "Nexia" rusumli avtomobil to‘xtatilib, xolis va guvohlar ishtirokida tekshirilganda, avtomobil salonidan gazetaga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, haydovchi M.M. va aniqlangan modda Chilonzor tumani IIO FMBga topshirilgan.

- 2022-yil 15-aprel kuni soat 01:00 larda, Mirzo Ulug‘bek tumanida joylashgan “Qoramurt” blok-postida xizmat olib borayotgan YPX xodimlari B.Vaxobov va Z.Burxonovlar tomonidan, Toshkent viloyatidan poytaxtga kirib kelayotgan, haydovchi, 1997-yilda tug‘ilgan Sh.Z. boshqaruvidagi "Spark" rusumli avtomobil to‘xtatilib, xolis va guvohlar ishtirokida tekshirilganda, avtomobil salonidan qog‘ozga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro Sh.Z. va aniqlangan modda Mirzo Ulug‘bek tumani IIO FMBga topshirilgan.