2022-yil 3-aprel kuni soat 03:40 larda, Qashqadaryo viloyati, Koson tumani hududidan oʻtuvchi A-380 avtomobil yoʻlida, tuman tibbiyot birlashmasi roʻparasida xizmat olib borgan YPX va boshqa sohaviy xizmat xodimlari hamkorligidagi reyd davomida “Qarshi-Koson” yoʻnalishida harakatlanib kelgan “Tico” rusumli avtomobil toʻxtatilib tekshirilganda, salonda boʻlgan yoʻlovchi Gʻ.N. koʻrinishidan xodimlarda shubha uygʻotgan. Xolis va guvohlar ishtirokidagi tekshiruv davomida ushbu fuqaroning yonidan sellofanga oʻralgan, yashil rangli, oʻtkir hidli moddalar topilgan.

Holat yuzasidan tegishli hujjatlar rasmiylashtirilib, fuqaro Gʻ.N. va topilgan moddalar tuman IIBga topshirilgan.

Yoʻllarda tekshiruvlar davom etmoqda...