Tekshiruvlar davomida:

- 2022-yil 2-sentabr kuni soat 22:00 larda, Yangihayot tumanida joylashgan “Yangihayot” blok-postida xizmat olib borayotgan YPX xodimlari A.Rashidov va A.Tolliyevlar tomonidan Toshkent viloyatidan poytaxtga kirib kelayotgan “Nexia-3” rusumli avtomobil toʻxtatilgan vaqtda haydovchi, 1990-yilda tugʻilgan K.S. koʻrinishidan xodimlarda shubha uygʻotgan. Xolis va guvohlar ishtirokidagi tekshiruv davomida haydovchi K.S.ning choʻntagidan 4 dona ”Tropikamid” nomli psixotrop dorilar topilgan.

Mazkur holat yuzasidan tegishli hujjatlar rasmiylashtirilib, haydovchi K.S. va topilgan dori vositalari Yangihayot tumani IIO FMBga topshirilgan;

- 2022-yil 2-sentabr kuni soat 23:40 larda, Yangihayot tumani hududida xizmat olib borayotgan YPX xodimlari O.Botirov va M.Boʻronovlar tomonidan “Binokor” koʻchasi boʻylab harakatlanib kelayotgan “Spark” rusumli avtomobil toʻxtatilgan vaqtda, salonda boʻlgan yoʻlovchi, 1992-yilda tugʻilgan M.T. turli xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruvlar davomida, yoʻlovchi M.T.ning yonidan zar qogʻozga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.T. va topilgan modda Yangihayot tumani IIO FMBga topshirilgan.

- 2022-yil 3-sentabr kuni soat 00:10 larda, Uchtepa tumanida joylashgan “Nazarbek” blok-postida xizmat olib borayotgan YPX xodimlari A.Radjabov va A.Allayevlar tomonidan Toshkent viloyatidan poytaxtga kirib kelayotgan “Malibu” rusumli avtomobil toʻxtatilganda, salonda boʻlgan yoʻlovchi M.M. koʻrinishidan xodimlarda shubha uygʻotgan. Xolis va guvohlar ishtirokidagi tekshiruv davomida yoʻlovchi M.M.ning choʻntagidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.M. va topilgan modda Uchtepa tumani IIO FMBga topshirilgan.

- 2022-yil 3-sentabr kuni soat 04:50 larda, Yangihayot tumani hududida xizmat olib borayotgan YPX xodimlari O.Botirov va M.Boʻronovlar tomonidan TXAY koʻchasi boʻylab harakatlanib kelayotgan “Nexia-3” avtomobil toʻxtatilgan vaqtda salonda boʻlgan yoʻlovchi, 2000-yilda tugʻilgan B.Oʻ. koʻrinishi va turli xatti-harakatlani bilan xodimlarda shubha uygʻotgan. Xolis va guvohlar ishtirokidagi tekshiruv davomida yoʻlovchi B.Oʻ.ning qoʻlidagi sigareta qutisi ichidan, selofanga oʻralgan, jigar rangli, oʻtkir hidli, saqichsimon modda topilgan.

Holat yuzasidan tegishli hujjatlar rasmiylashtirilib, fuqaro B.Oʻ. va topilgan modda Yangihayot tumani IIO FMBga topshirilgan.