Tekshiruvlar davomida:

- 2022-yil 30-noyabr kuni soat 01:00 larda Toshkent shahar, Yangihayot tumanida xizmat olib borayotgan YPX xodimi F.Amirov tomonidan “Nexia” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 2000-yilda tugʻilgan N.R.ning yonidan “zajigalka”ga yopishtirilgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro N.R. va topilgan modda Yangihayot tumani IIO FMBga topshirilgan.

- 2022-yil 1-dekabr kuni soat 11:30 larda Toshkent shahar, Bektemir tumanida xizmat olib borayotgan YPX xodimlari D.Payziyev va B.Nigʻmonovlar tomonidan “Matiz” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1972-yilda tugʻilgan R.S.ning yonidan qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro R.S. va topilgan modda Bektemir tumani IIO FMBga topshirilgan.

- 2022-yil 1-dekabr kuni soat 23:50 larda Toshkent shahar, Yangihayot tumanida xizmat olib borayotgan YPX xodimlari B.Abduraimov va F.Amirovlar tomonidan “Spark” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1976-yilda tugʻilgan K.S.ning yonidan qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro K.S. va topilgan modda Yangihayot tumani IIO FMBga topshirilgan.

Yoʻllarda tekshiruvlar davom etmoqda...